AzərbaycanKaryera İnkişafForumu 2021

GƏLƏCƏYƏ HAZIR OL!

8 dekabr 2021, Azərbaycan Karyera İnkişaf Forumu çərçivəsində keçirilən konfransın canlı yayımının video yazısı.

Konfrans

Vorkşop

Yerli və beynəlxalq spiker

300

İştirakçı

Mövzu

Gün

Dekabr 2021

Dövlət Məşğulluq Agentliyi tərəfindən təşkil olunan Azərbaycan Karyera İnkişaf Forumu ümumilikdə 1 konfrans və 5 vorkşopdan ibarətdir. Azərbaycan Karyera İnkişaf Forumu dəyişən əmək bazarı barədə agahlıq yaratmaq, gələcəyin vəd etdiyi peşə və bacarıqlarla tanış olmaq və əmək bazarının müvafiq tələblərinə cavab verən peşəkar kadrların yetişdirilməsi üçün hadisələri qabaqlamaq məqsədilə təşkil edilir.

Postpandemiya dövründə əmək bazarı

2020-ci ilin ilk rübündə qlobal pandemiya şəraiti həyatın hər bir aspektində, xüsusilə də insanların iş həyatında durğunluğa səbəb olmuşdu. Bu durğunluq özü ilə ənənəvi iş rejimində radikal dəyişikliklərin baş verməsinə gətirib çıxardı. Hansı ki, həmin yeniliklərin artıq əmək bazarının gələcəyini formalaşdıracağı faktı danılmazdır. Bu baxımdan, həm pandemiya zamanı, həm də postpandemiya dövründə hansı bilik və bacarıqlara yiyələnməli olduğumuz, əmək bazarının bundan sonrakı vəziyyəti haqqında məlumatlılıq mütləqdir.

Beynəlxalq təcrübələrdən yararlanmaq

Qlobal təcrübəyə nəzər yetirsək, işsizlik probleminin həllində beynəlxalq və yerli qurumların, dövlət və qeyri-dövlət sektorunun inteqrasiyasının daha uğurlu nəticələr əldə etdiyinin şahidi olarıq. Bugünkü dövrdə də həmin uğurlu əməkdaşlıq modellərinin tətbiqi və inkişafı davam etdirilməlidir. Məhz buna görə də ölkədaxili qurumlar arasında əməkdaşlıq modellərinin yaranması işsizlik hallarının azaldılması üçün zəruridir.

Texnologiyanın sürətli inkişafı

Texnologiyanın sürətli inkişafı demək olar ki, heç bir peşə sahəsindən təsirsiz ötüşmür. Bu gün belə innovasiyalarla ayaqlaşa bilməyən şirkətlərin, personalın rəqabətə davam gətirə bilməməsi hamımıza bəllidir. Elm və texnikanın sürətli inkişafı əmək bazarında çalışanlardan yüksək effektivlik, yumşaq və texniki bacarıqlar tələb edir. Mövcud biliklərdən daha çox ömür boyu öyrənmənin günümüzdə əhəmiyyəti daha böyükdür. Məhz buna görə çalışanlar daima öz üzərində işləməli, bilik, bacarıq və səriştələrini inkişaf etdirməlidir.

Karyera planlaması

Karyera planlaması edilərkən ən böyük yanlış düzgün meyarlara əsaslanmadan edilən ixtisas seçimidir. Bu meyarların necə təyin edilməsi ilə bağlı yetərli məlumatın olmaması, mütəxəssis dəstəyi almamaq nəticədə səhv qərarların verilməsinə səbəb olur. Hazırda ölkə səviyyəsində problemin həlli ilə bağlı qəti addımlar atılır. Dövlətin yaratdığı imkanlardan istifadə etmək, karyera məsləhətçilərindən dəstək almaqla bu səhvin qarşısını almaq mümkündür.

Dövlət qurumlarının nümayəndələri

Özəl sektorun nümayəndələri

Ali təhsil müəssisələrinin nümayəndələri(rəhbərlər və karyera mərkəzlərinin təmsilçiləri)

Tələbələr

Sahə üzrə ekspertlər(təlimçilər, məsləhətçilər, kouçlar, HR-lar)

Aygün Kurbanova

Karyera İdarəetməsi məktəbinin təsisçisi, beynəlxalq ekspert

Coşqun Kərimov

Təlim və inkişaf mütəxəssisi, yazıçı

Gülnur İsparova

ADA universitetinin Təşkilat və İR İnkişafı Dep. rəhbəri

Xəqani Səfərov

HR Option şirkətinin direktoru

Kamil Bayramlı

DMA-nın İdarə Heyəti sədrinin köməkçisi

Könül Əliyeva

Azərsun Holdingin Kateqoriya və Marketinq direktoru

Mehriban Nəzərova

ATL Akademiyasının icraçı direktoru

Murat Koç

Çağ Universiteti, Fərdi inkişaf və strateji idarəçilik eksperti

Nərgiz Seyidzadə

Azərbaycan İnsan Resursları Assosiasiyası İB-nin həmtəsisçisi

Nigar Arpadarai

Azərbaycan Respublikası Milli Məclisinin deputatı

Ruslan Mirzəliyev

DOST Agentliyinin İdarə heyətinin sədrinin müşaviri

Tal Catran

Akselerator Guru & Beynəlxalq Spiker

Tamerlan İsmayılov

Brandup şirkətinin təsisçisi

8
dekabr
Konfrans
Konfrans
"Nizami Gəncəvi I & II" otağıFairmont Bakı, Alov Qüllələri
09:00 - 18:00
8
dekabr
Bəs potensial bizi hara aparır? / Hobbilərin Karyeraya təsiri
Vorkşop № 1
"Nizami Gəncəvi III" otağıFairmont Bakı, Alov Qüllələri
14:00 - 18:00
8
dekabr
Böyük şirkətlərə aparan karyera yolu / İnnovasiya və startapların karyeramıza təsiri
Vorkşop № 2
"Üzeyir Hacıbəyov I" otağıFairmont Bakı, Alov Qüllələri
14:00 - 18:00
8
dekabr
Bazar dəyərini necə artırmalı? / Şəbəkənin gücü
Vorkşop № 3
"Üzeyir Hacıbəyov II" otağıFairmont Bakı, Alov Qüllələri
14:00 - 18:00
8
dekabr
Uğura aparan karyera yolu / Dövlət və özəl sektorda təcrübə və karyera
Vorkşop № 4
"Səttar Bəhlulzadə" otağıFairmont Bakı, Alov Qüllələri
14:00 - 18:00
8
dekabr
Effektiv qərarvermə / Şəxsi brendləşmə
Vorkşop № 5
"İmadəddin Nəsimi" otağıFairmont Bakı, Alov Qüllələri
14:00 - 18:00

Forumda iştirak ödənişlidir?
Xeyr, iştirak tamamilə ödənişsizdir.
Neçə yaşından forumda iştirak etmək olar?
Forumun əsas hədəf qrupu hazırda işləyən şəxslər, ali məktəblərin sonuncu kurs tələbələri və yeni məzunlardır.
Qeydiyyatdan keçmişəmsə forumda iştirak edə bilərəm, yoxsa iştirakım təsdiqlənməlidir?
Forumda iştirakçı sayı limitli olduğundan, qeydiyyat forumunu doldurduqdan sonra seçim prosedurundan uğurla keçən şəxslərlə əlaqə saxlanılacaq.
Forum, konfrans və vorkşop-un fərqi nədədir?
Tədbirin adı Azərbaycan Karyera İnkişaf Forumudur. Forum çərçivəsində 1 konfrans və 5 vorkşop keçiriləcəkdir.Konfrans tam günlük bir tədbirdir və bura hazırda əmək bazarında fəaliyyət göstərən, karyera planlaması sahəsində və ya insan kapitalı inkişafı istiqamətinə yaxın çalışan şəxslər üçün nəzərdə tutulur.Vorkşoplar isə günün ikinci yarısı, tələbə auditoriyasi üçün təşkil edilir. Əsasən sonuncu kurs tələbələri və yeni məzunların müxtəlif mövzu istiqamətlərində bacarıqlarını və agahlıqlarını artırmaq məqsədilə nəzərdə tutulub.
Konfrans və vorkşoplar eyni vaxtda və eyni məkanda keçiriləcək?
Bəli. 8 dekabr 2021-ci il tarixində Fairmont Bakı, Alov Qüllələrində Azərbaycan Karyera İnkişaf Forumu keçiriləcək.Konfrans 9:00-dan 18:00-dək davam edəcək və "Nizami Gəncəvi I & II" otağında keçiriləcəkdir.Vorkşoplar 14:00-dan 18:00-dək digər 5 otaqda keçiriləcək.
Forumda neçə nəfər iştirak edəcək?
Forumda ümumilikdə 300 nəfərin iştirakı nəzərdə tutulur. Onların 150 nəfəri konfrans iştirakçısı, 150 nəfəri vorkşop iştirakçısı olacaq.